120-dən çox ölkədən 1700-dən artıq şirkət və 100 mindən çox ziyarətçini bir araya gətirən sərgi beynəlxalq müdafiə sənayesinin əsas görüş platformalarından biri olub.
Sərgi çərçivəsində Azərbaycan Respublikasının müdafiə sənayesi naziri Vüqar Mustafayev və “Azərsilah” Müdafiə Sənayesi Holdinqi” QSC-nin rəhbər heyəti tərəfindən bir sıra yüksək səviyyəli görüşlər keçirilib.
Görüşlər zamanı Türkiyə Respublikasının dövlət və müdafiə sənayesi qurumlarının rəhbər şəxsləri, o cümlədən Baykar, Aselsan və Roketsan şirkətlərinin nümayəndələri, həmçinin Nigeriya, İtaliya və digər ölkələrin dövlət qurumları və müdafiə sənayesi şirkətlərinin nümayəndələri ilə müdafiə sənayesi sahəsində əməkdaşlığın inkişaf perspektivləri müzakirə olunub.
Müzakirələr zamanı mövcud əməkdaşlıq əlaqələrinin vəziyyəti qiymətləndirilib, istehsal imkanları, texnoloji potensial, innovativ həllərin tətbiqi və qarşılıqlı təcrübə mübadiləsinin əhəmiyyəti vurğulanıb.
